إحنا Pure Bytes Solutions، فريق برمجة من فلسطين. بنبني تطبيقات وأنظمة ومتاجر، وبنستخدمها أول إشي بشغلنا إحنا، وبعدين بنسلّمها لأصحاب المشاريع بكل الدول العربية.
من رام الله، ونشتغل عن بُعد مع كل الدول العربية
مشاريع بنيناها وشغّالة اليوم. كل واحد منها بدأ بمشكلة حقيقية عند صاحب شغل، وانتهى بنظام بيوفّر عليه وقت ومصاري.
نظام ويب بيسجّل المبيعات والصيانة والدفعات والمهام بمكان واحد. رسائل الموظفين على واتساب بتوصل للنظام كمهام، وصاحب المحل بيطلع تقرير أسبوعي جاهز بدل ما يجمع الأرقام بإيده.
تطبيق أندرويد منشور على Google Play، ومتجر إلكتروني بأكثر من 1000 منتج. كتالوج المنتجات مربوط بإعلانات فيسبوك وإنستغرام، فالسعر بيتغيّر بالإعلان لحاله لما يتغيّر بالمتجر.
تطبيق توصيل بيجمع الزبون والمحل والسائق بنفس المكان، من لحظة الطلب لحد ما يوصل الباب.
منصة للدراسات العليا، ونظام لمتابعة واجبات الطلاب، وبوابة لتنظيم جداول التقاسم في مدرسة، وموقع شخصي للفنان مصطفى الخطيب. كل واحد مبني على مقاس اللي بيستخدمه.
بنبدأ من شغلك إنت: شو بتعمل كل يوم، وين بيروح وقتك، وشو بدك تشوف بالأرقام. وبعدين بنختار الحل المناسب.
تطبيقات Android و iOS لمتجرك أو خدمتك، من التصميم لحد النشر على المتاجر.
مواقع شركات ومتاجر بتبيع، مربوطة بالدفع والتوصيل والإعلانات.
مبيعات، مخزون، حسابات، موظفين وصيانة، بنظام واحد بتفتحه من أي جهاز.
مساعدين بيردّوا على الزبائن، وتحليل بيانات، وأدوات بتختصر شغل ساعات لدقائق.
حماية الأنظمة والبيانات، صلاحيات للمستخدمين، ونسخ احتياطي ما بيضيع فيه إشي.
ربط الأنظمة ببعض، وتقارير بتطلع لحالها، ومهام متكررة بتصير أوتوماتيك.
أربع مراحل واضحة، وبتعرف بكل مرحلة شو صار وشو الجاي.
بتحكيلنا عن فكرتك أو مشكلتك، وبنقترح الحل الأنسب.
سعر واضح، ومدة، وقائمة باللي رح نسلّمه.
بتشوف الشغل وهو بيتبنى، وبتعطي رأيك بكل مرحلة.
بنطلق المشروع، بندرّب فريقك، وبنضل معك بعد التسليم.
Pure Bytes Solutions هي الذراع البرمجي لـ Pure Bytes للأجهزة والحلول الذكية في رام الله. بدأنا نبرمج عشان نحل مشاكل شغلنا إحنا: نظام للمحل، تطبيق للمتجر، وربط للإعلانات بالكتالوج. ولما شفنا الفرق، صرنا نبني نفس الحلول لغيرنا. يعني كل نظام بنعرضه عليك، جرّبناه قبل على شغل حقيقي.
اعمل حساب واكتبلنا عن مشروعك. بنرجعلك بعرض واضح، وبتتابع حالة طلبك من حسابك.